Situacion: Amb una amiga sètz a parlar d’autres amics que vòlon crompar un ostal. Vòstra amiga vos ditz que viuràn a Marselha, tota segura, mas vos, sabètz que viuràn a Nimes. Digatz-li, convençut/da, que non, que viuràn a Nimes.

Interpretacion de l’enonciat: Declarativa categorica amb calhetatge d’evidéncia

Informador: F. B.

Descripcion: Lo ton comença a un nivèl bas de la tessitura del locutor e realiza un primièr movement ascendent fòrça leugièr sus la sillaba pòstonica pas. Lo segond pic, alinhat sus la tonica -se- es plan mai accentuat e lo ton davala fins a un nivèl bas a la pòstonica. Observam un autre pic alinhat sus l'exclamacion e!, que recep un movement ascendent e una davalada fins a un nivèl bas. Lo ton tòrna començar a un nivèl mejan-bas e puèja progressivament fins a la sillaba tonica Ni- ont observam un pic tonal e, aprèp, una davalada progressiva del ton fins a un nivèl bas a la fin de la frasa.

Enonciat: Es pas a Marselha, que vòlen èster, e! Qu'es a Nimes, te disi!